کیا انجکشن لگانے سے روزہ ٹوٹ جاتا ہے?

On: فروری 17, 2026 1:00 صبح

kya injection lagane se roza toot jata hai

السلام علیکم ورحمۃاللہ وبرکاتہ

کیا فرماتے ہیں علمائے کرام ومفتیان عظام شرع متین اس مسئلہ کے بارےمیں کہ بہ حالت روزہ انجیکشن لگوانا کیساہےاگرکوئی بھوک وپیاس اور طاقت کا انجیکشن لگوائےتوکیاحکم ہوگا؟قرآن وحدیث کی روشنی میں جواب عنایت فرمائیں؟بڑی مہربانی ہوگی۔

سائل:محمد عمران ببئی ضلع جھنجھنو (راجستھان)
وعلیکم السلام و رحمۃ اللہ وبرکاتہ!

الجواب بعون الملک الوھاب

روزہ کی حالت میں انجیکشن لگوانا اگرچہ روزے کی حکمت ومصلحت کےخلاف ہے،اس کے باوجود اگر انجیکشن لگوایا گیا،خواہ بھوک و پیاس اورطاقت کے ارادہ سےہویانہ ہو روزہ نہیں ٹوٹےگا،البتہ بھوک وپیاس کی ضرورت کی تکمیل کےلئے لگوایا گیا،تو روزہ مکروہ ہوجائےگا،اس سلسلے میں ایک قاعدۂ کلیہ سمجھ لینا چاہیے کہ وہ دوایاغذا جومسامات اوررگوں کے ذریعے جسم میں پھیل جائے،تو اس سے روزہ نہیں جاتا، بلکہ وہ دوا یا غذا جو کسی اور طریقۂ منفذ سے پیٹ یادماغ میں پہنچ جائے تو روزہ فاسد ہوجاتاہے،لہذاجس طرح کھانے پینے اور جماع سےروزہ ٹوٹ جاتاہے اسی طرح اگر کوئی چیز مسامات یارگ کے علاوہ کوئی اور منفذ(راستہ)کے ذریعہ دماغ یا پیٹ میں داخل ہوجائےتوروزہ جاتارہےگا ورنہ نہیں۔

ہندیہ میں ہے:

وما يدخل من مسام البدن من الدهن لا يفطر، هكذا في شرح المجمع . ومن اغتسل فى ماء وجد بزادة فى باطنه، لا يفطر هكذا فى النهر الفائق "(ہندیہ ج1ص:٢٢٤،/كتاب الصوم/باب فيمايفسدومالايفسد،دارالكتب العلمية)

نھرفائق میں ہے:

لان الموجود في حلقه أثر داخل من المسام الذي هو خلل البدن والمفطرانماالداخل من المنافذ،لاتفاق علي أن من اغتسل في ماءفوجدبرده في باطنه أنه لا يفطر.(النهر الفائق ج:١،ص:١٧،كتاب الصوم،باب مايفسد الصوم ومالايفسده،دارعالم الكتب )

اور ہندیہ میں ہے:

وفي دواءالجايفة والآمة أكثر المشايخ علي أن العبرة للوصول إلي الجوف والدماغ لا لكونه رطبااو يابسا حتي اذاعلم أن اليابس وصل يفسد صومه ولو علم أن الرطب لم يصل لم يفسد هكذا في العنايه۔(هنديه ج:١،ص:٢٢٤/كتاب الصوم،باب فيما يفسد ومالا يفسد،دارالكتب العلمية بيروت)